მრავალი სირთულის მიუხედავად, წარმატების გასაღები სწორედ მთავარი ღირებულებებისადმი ერთგულებაში და მუდმივ მოძრაობაში აღმოვაჩინეთ. ნებისმიერი წინაღობა და პრობლემა ჩვენ ახალ გამოწვევად და შესაძლებლობად ვაქციეთ, არასდროს არ გავჩერდით, გავრისკეთ, გავბედეთ, შევძელით და ყოველთვის მოქმედება ვამჯობინეთ... 

სწორედ ამ ღირებულებებზე დაყრდნობით შევქმენით დასავლურ სტანდარტებზე დაფუძნებული უახლესი მართვის სისტემა და, რაც მთავარია, ძლიერი გუნდი - ჩვენი ფასდაუდებელი ადამიანური კაპიტალი. 

აგერ უკვე სამ ათწლეულზე მეტია რაც ვქმნით წარმატებულ ბიზნესს ისეთ ინდუსტრიებში, როგორებიცაა: ენერგეტიკა, უძრავი ქონება, განათლება, ჯანდაცვა, დაზღვევა, FMCG, ინფრასტრუქტურა, ფარმაცია, სტუმარმასპინძლობის ინდუსტრია, სოფლის მეურნეობა, მრეწველობა, სამშენებლო მასალების წარმოება და სხვა.

ამ წლების განმავლობაში, ჩვენ გავცდით საქართველოს ფარგლებს და ოპერირება დავიწყეთ აზერბაიჯანში, ყაზახეთში, უკრაინაში, სომხეთსა და უზბეკეთში. გავხდით რეგიონში მსხვილი კომპანიებისთვის საინტერესო და სანდო პარტნიორი.

დღეს ჯიაიჯი ქართული მულტიინდუსტრიული ჰოლდინგია მასშტაბური და ფართოდ დივერსიფიცირებული საერთაშორისო საინვესტიციო პორტფელით. ჩვენი გუნდით, რომელშიც 10 000-ზე მეტი პროფესიონალი თანამშრომელია, წარმოდგენილი ვართ რეგიონის 5-ზე მეტ ქვეყანასა და 10-ზე მეტ ინდუსტრიაში. 

პოტენციალი, მართლაც რომ მოქმედებაშია!