„საქართველოს ინდუსტრიულ ჯგუფს“ არა-აღმასრულებელი დირექტორის პოზიციაზე, საქართველოს თავდაცვისა (2004)  და საგარეო საქმეთა (2005-2008)ყოფილი  მინისტრი, საქართველოს დაზვერვის სამსახურის ყოფილი უფროსი (2008-2014) გელა ბეჟუაშვილი შეუერთდა.

              გელა ბეჟუაშვილის მრავალწლიანი მენეჯერული გამოცდილება, მართვის სისტემების ცოდნა, საერთაშორისო და საქმიანი კავშირები ჰოლდინგის საერთაშორისო რეპუტაციის ამაღლებას შეუწყობს,მნიშვნელოვანი იქნება  საერთაშორისო კავშირების გაფართოებისა და  დამატებითი ინვესტიციების მოზიდვისათვის, თანამედროვე მართვისადა ადამიანური რესურსების სისტემების დანერგვასა და კომპანიის გრძელვადიანი ბიზნეს სტრატეგიის განვითარებისათვის.

        ჰოლდინგი საქართველოს ინდუსტრიული ჯგუფი საქართველოში უმსხვილეს ჰოლდინგს წარმოადგენს და ფლობს ფართო ბიზნეს პორტფელს, რომელშიც შედის ქვანახშირის მოპოვება, ელექტროენერგიის გამომუშავება, ბუნებრივი აირის რეალიზაცია, უძრავი ქონება და სხვა სექტორების მთელი სპექტრი.