2012 წლის 12 აგვისტოს წარმატებით დასრულდა წვრილფრაქციური ნახშირის გამამდიდრებელი უბნის მშენებლობა ქ. ტყიბულში მდებარე ნახშირის გამამდიდრებელ ქარხანაში. საქნახშირის და თურქული კომპანია CWP-ს სპეციალისტების მიერ დამუშავებული პროექტის მიხედვით განხორციელდა სპირალური გამდიდრების ტექნოლოგიური ხაზის დამონტაჟება. შედეგად, ფართო საწარმოო პრაქტიკაში პირველად დაინერგა წვრილფრაქციური ნახშირის  გამდიდრების სპირალური მეთოდი.

           ახალი ტექნოლოგიის მეშვეობით ყოველდღიურად დამატებით დაახლოებით 100-120 ტონა მაღალკალორიული ნახშირი მიიღება.