საქართველოს ინდუსტრიული ჯგუფის ფინანსური დირექტორი ზურაბ გელენიძე საქართველოს ბიზნეს ასოციაციაში შექმნილი ენერგეტიკის კომიტეტის თავმჯდომარედ აირჩიეს. ენერგეტიკის კომიტეტის შექმნის თაობაზე, ,გადაწყვეტილება საქართველოს ბიზნეს ასოციაციის სამეთვალყურეო საბჭომ მიიღო. ახლადჩამოყალიბებული კომიტეტის მთავარ ამოცანებს წარმოადგენს: 1. ენერგომდგრადობისა და ენერგოდამოუკიდებლობის უზრუნველყოფის მიღწევაში ხელშეწყობა; 2. ენერგეტიკის სფეროში საინვესტიციო კლიმატის გაუმჯობესება; 3. ენერგეტიკული კომპანიებისთვის ხელსაყრელი საკანონმდებლო და მარეგულირებელი გარემოს ჩამოყალიბება; 4. კომპანიებს შორის თანამაშრომლობის გაღრმავება; 5. ენერგეტიკული კომპანიების ჩართულობის ხელშეწყობა მათი ინტერესების დაცვის მიზნით. ზურაბ გელენიძე " საქართველოს ინდუსტრიული ჯგუფის" ფინანსურ დირექტორად 2013 წლის 1 ნოემბერს დაინიშნა. 2011 - 2013 წლები კორპორატიული ბიზნესის დირექტორის მოადგილე ს.ს "თიბისი ბანკი". 2010 - 2011 წლები “HSBC Georgia" - კომერციული ბანკინგის უფროსის მოადგილე. 2006 - 2010 წლები კომერციული დირექტორი "”BTA Silk Roud” ბანკი.ასევე 2004 - 2006 წლებში ს.ს "იბერია რეფრეშმენტს"-ის ფინანსური დირექტორი. 1998 - 2004 წლებში ეკავა წამყვანი პოზიციები "საქართველოს ბანკში".